திருக்குறள்: 76

அதிகாரம் : 8 அன்புடைமை திருக்குறள் : 76 Chapter : 8 Love Thirukkural : 76

"அறத்திற்கே அன்பு சார்பு" என்ப, அறியார்; மறத்திற்கும் அஃதே துணை.
பொழிப்புரை :
அறத்திற்கு மட்டுமே அன்பு சார்புத் துணையானது என்பார் அறியாதார்; [உண்மையில்] மறத்திற்கும் அதுவே துணை.
	புதிய மாறுபட்ட கருத்துக்கள் இவ் விளக்கங்களில் உள்ளன.
விரிவுரை :
அன்பானது அறவழிகளுக்கு மாத்திரமே துணை நிற்கும் என்று கொள்வார் அறியாதவர். அதுவேதான் அறமற்ற மறச் செயல்களுக்கும் துணை நிற்பதாகும். மற வழியில் நடப்பதற்கும் கூட அன்பே காரணாமாக நிற்கிறதாம். எப்படி? ஒருவரின் மறச் செயல்களுக்குக் காரணம் வெறுப்பும், நம்பிக்கை இன்மையும், கெட்ட எண்ணங்களுமே, பிறர்பால் அன்பின்மையுமே. அவற்றுக்கு அடிமுதல் காரணம் அவரது மனம் புண்படும்படி அல்லது அமைதியுறா வண்ணம் அல்லது துன்பம் தரும் ஏதோ ஒரு நிகழ்வு, அடிப்படையில் அன்பை மறுதலித்து நிகழ்ந்திருக்கும். எனவேதான் அவரது தீய செயல்களுக்கும், அவர் பால் வழங்கப்படாத அன்பே தூண்டுகோலாய்த் துணை நிற்கின்றது. ஆக கெட்டவர்கள் என்பவர் எவரும் கிடையாது. அன்பற்றவர்களே, அன்பு காட்டப் படாதவர்களே அவர்கள் என்பது உட் கருத்து. அதாவது அன்பு செய்தால் கெட்டவர்களைக் கூட நல்லவர்களாக மாற்றிவிட முடியும் என்பது தெளிவு. அன்பினால் தீராத நோயையும் குணப் படுத்தலாம்; தீவிர வாதியையும் குணப் படுத்தலாம். அன்பு என்பது அனைத்தையும் சீர் செய்யும் அற்புத மருந்து; ஆதரவைத் தரும் ஒப்பற்ற விருந்து. அன்பை அறிவோம்! (1) வலியவரும் எளியவர்முன் மண்டியிடும் மந்திரமும் வீழ்த்தவரும் வேங்கையரும் தாழ்ந்துவிடும் தந்திரமும் அறிவுடை மேதையரும் அண்டிவரும் விந்தையதும் (4) கல்லும் கரைந்துவிடும் காளையும் மடிதுயிலும் நல்லவழிச் சாலைதேடி அல்லவையும் ஓடிவரும் முள்ளும் மலராகும் முடிநாரும் மணமாகும்! (2) இன்பமுற இன்னுயிர்கள் ஈண்டுதமை நாடுவதும் அன்புநெறி மாந்தர்பெரு வாழ்வுநிலை கூடுவதும் அன்புதரு இன்பநிலை! இயற்கையது ஐயமிலை! (5) மண்ணில் பிறக்கையில் யாவரும் கேடில்லை; அன்பைப் பெருக்கிவிடின் யாவதும் கேடில்லை; அன்பே இறையாகும் அறிவோம் நலமாகும்! (3) யாவரையும் அன்புநிறை ஆதரவில் பேணிவரின் கோபமும் அற்றுவிடும் குறைகளும் இற்றுவிடும் பைத்தியம் தெளிவாகும் பார்வைகள் விரிவாகும் (6) இன்பமும் துன்பமும் அன்பின் விளைச்சலே; உள்ளம் சுரக்கும் உணர்வுக் கரைசலே; அன்பேநம் அறிவும்; அனைத்தும் அஃதே! ***
குறிப்புரை :
அன்பே நல்லவை, கெட்டவை அனைத்திற்கும் காரணம்.
அருஞ்சொற் பொருள் :
மறம் - அறமற்றது, கெட்டவை, வலியவை, வீரம்
ஒப்புரை :
திருமந்திரம்: 279 அன்பின் உள் ளான்புறத்தான் உட லாயுளான் முன்பின்உள் ளான்முனி வர்க்கும் பிரானவன் அன்பின்உள் ளாகி அமரும் அரும்பொருள் அன்பினுள் ளார்க்கே அணைதுணை யாமே. திருமந்திரம்: 280 இகழ்ந்ததும் பெற்றதும் ஈசன் அறியும் உகந்தருள் செய்திடும் உத்தம நாதன் கொழுந்தன்பு செய்தருள் கூரவல் லார்க்கு மகிழ்ந்தன்பு செய்யும் அருளது வாமே.
***

In English: (Thirukkural: 76)

"aRaththiRkE anpu sArpu" enpa, aRiyAr; maRaththiRkum aHthE thuNai.
Meaning :
Love only guides the virtue say the unwise; In fact it is for the wicked as well.
	These explanations contain newer and exclusive messages.
Explanation :
The unwise say that Love guides only the virtue, but it also guides the vice indeed. Love is the guide for the wicked too. How? The reasons for one’s evil doings are hatredness, unfaithfulness, no beliefs, ill treatments and no Love to others. Basic reason for all this could be that some ill treatment or heart paining incident or abuse or insult which lead to be not peaceful or any such occurrence or circumstance in which the Love is denied. Therefore the Love not shown becomes the cause for all the ill doings. Therefore there is nobody born as vice. Those are either the Loveless in heart or whom others denied of Love. Hence if the Love is bestowed and provided, even the wicked can be rectified and made good. Love can cure even any incurable disease; Love can cure even the terrorists. Love is a wonderful medicine that cures all. Love is a great incomparable treat that gives the support. Let's Know the Love The Strong bends to the Simple The leaping Tiger bows in humble The brainy too wants to mingle The Livings approach for their joy The Loving climb high and they enjoy All for the Love, the natures rejoice! Shower the Love to everyone Sure will there be anger in none Madness go and views will grow Stones melt and Bulls quiet Vice would seek the virtuous path Thorns bloom and the fibers smell! None ever born earth as evil Grow more Love; that never kill God is true Love; know that well Happy and sorrow; The Love’s yield Heartening pour; that’s the feel Love is the wise and the winning deal. ***
Message :
Love is the cause for everything either good or bad.
***