திருக்குறள்:181 (புறம் கூறாமை இனிய அறம்...)

அதிகாரம் : 19 புறங்கூறாமை திருக்குறள் : 181 புறம் கூறாமை இனிய அறம்... In English

அறம் கூறான், அல்ல செயினும், ஒருவன் புறம் கூறான் என்றல் இனிது.

பொழிப்புரை :

[நல்] அறத்தைக் கூறாது, [நல்லறம்] அல்லாததைச் செய்பவன் ஆயினும், ஒருவன், புறம் கூறாதவன் என்றால் [அஃது] இனியதாகும்.

விரிவுரை :

நல் அறத்தைப் பேசாது; நல்லறம் அற்றதைச் செய்பவனே ஆயினும் ஒருவன் புறம் கூறாதவன் என்றால் அஃது இனிமையை நல்கும். அதாவது புறம் கூறாமை என்பது நல்லறத்தைப் பேசாது இருத்தலைக் காட்டிலும் நல்லறத்தை ஒழுகாததைக் காட்டிலும் நல்லறம் அற்றதை செய்வதைக் காட்டிலும் உயர்வானது; சிறப்பானது என்பது பொருள். ஆக புறம் கூறுதல் என்பது தீயவற்றிலெல்லாம் தலையாயது என்பது உட்பொருள். அத்தகைய தீயதான புறங் கூறுதலால், புறங் கூறப்பட்டவரைக் காட்டிலும், அதைக் கேட்டு நம்புபவருக்கும், புறம் சொல்பவருக்குமே தீமை பெருகும். இட்டுக் கட்டிச் சொல்லப்படும் வஞ்சனைச் சொற்கள் சொல்பவருக்கே கெடுதலை விளைவிக்கும். கெடுவான் கேடு நினைப்பான். பொய் சொல்லுபவனே ஏமாறுவான். பழியை அநியாயமாகத் தோற்றுவிப்பவனே பிறகு இகழ்ச்சிக்கும் ஏளனத்திற்கும் ஆளாவான். குற்றமுள்ள நெஞ்சு குறு குறுத்து அமைதியை இழக்கும். வெற்றிக்கு மாறாகத் தோல்வியில் தள்ளப் படுவான். பிறன் பால் சொல்லப் படுகின்ற அவதூறுகளால் கேட்பவரை நம்பச் செய்தால் அவரால் பொதுத் தீங்கோ, அல்லது கேட்பவருக்கே தீங்கோ ஏற்படலாம் அல்லவா? அந்தப் பாவமும் புறம் சொல்லியவனையே சாரும். புளுகு மூட்டைகளை உற்பத்தி செய்து கொண்டு, புரட்டல்களையே செய்து கொண்டு, புறம் சொல்லித் திரிபவர், தீய அறங்களுள் எல்லாம் பெரிதான தீமையைச் செய்து கொண்டிருக்கிறார்கள் என்பதை அறிந்து திருந்தி இனிமேலும் அவ்வண்ணம் செய்யாதிருக்க முயற்சித்துத் திருந்தட்டும், தங்களின் பாவத்தைக் குறைத்துக் கொள்ளும் காரணத்திற்காகவாவது.

குறிப்புரை :

நல்லறத்தை ஒழுகாது இருப்பினும் கூட புறம் சொல்லாமை எனும் ஒரே ஓர் ஒழுக்கம் இனிமையைக் கொடுக்கும்.

அருஞ்சொற் பொருள் :

இனிது - இனியது, இனிமை அல்லது மகிழ்ச்சி தருவது

ஒப்புரை :

திருமந்திரம்: 40 குறைந்துஅடைந் தீசன் குரைகழல் நாடும் நிறைந்துஅடை செம்பொனின் நேர்ஒளி ஒக்கும் மறைஞ்சடம் செய்யாது வாழ்த்தவல் லார்க்குப் புறஞ்சடம் செய்வான் புகுந்துநின் றானே. திருமந்திரம்: 55 ஆறங்க மாய்வரும் மாமறை ஓதியைக் கூறங்க மாகக் குணம்பயில் வாரில்லை வேறங்க மாக விளைவுசெய்து அப்புறம் பேறங்க மாகப் பெருக்குகின் றாரே. திருமந்திரம்: 2513 கருந்தாள் கருடன் விசும்பூடு இறப்பக் கருந்தாள் கயத்தில் கரும்பாம்பு நீங்க பெருந்தன்மை பேசுதி நீஒழி நெஞ்சே அருந்தர அலைகடல் ஆறசென் றாலே. 2 திருமந்திரம்: 2514 கருதலர் மாளக் கருவாயில் நின்ற பொருதலைச் செய்வது புல்லறி வாண்மை மருவலர் செய்கின்ற மாதவம் ஒத்தால் தருவலர் கேட்ட தனியும்ப ராமே. 3 மாணிக்க வாசகர். திருவாசகம். 1. சிவபுராணம்: நமச்சிவாய வாஅழ்க நாதன் தாள் வாழ்க இமைப்பொழுதும் என் நெஞ்சில் நீங்காதான் தாள் வாழ்க கோகழி ஆண்ட குருமணிதன் தாள் வாழ்க ஆகமம் ஆகிநின்று அண்ணிப்பான் தாள் வாழ்க ஏகன் அநேகன் இறைவன் அடிவாழ்க 5 வேகம் கெடுத்தாண்ட வேந்தன் அடிவெல்க பிறப்பறுக்கும் பிஞ்ஞகன்தன் பெய்கழல்கள் வெல்க புறந்தார்க்குச் சேயோன் தன் பூங்கழல்கள் வெல்க கரங்குவிவார் உள்மகிழும் கோன்கழல்கள் வெல்க சிரம்குவிவார் ஓங்குவிக்கும் சீரோன் கழல் வெல்க 10 ஔவையார். ஆத்திசூடி: 7. எண்ணெழுத் திகழேல். 12. ஒளவியம் பேசேல். (பொறாமை, அழுக்காறு) ஔவையார். கொன்றை வேந்தன்: 12. ஔவியம் பேசுதல் ஆக்கத்திற்கு அழிவு (பொறாமை) 14. கற்பு எனப் படுவது சொல் திறம்பாமை ஔவையார். நல்வழி: இடும்பைக்கு இடும்பை இயல்பு உடம்பு இது அன்றே இடும் பொய்யை மெய் என்று இராதே - இடும் கடுக உண்டாயின் உண்டாகும் ஊழில் பெரு வலி நோய் விண்டாரைக் கொண்டாடும் வீடு. 3 பட்டினத்தார். கோயில்திருஅகவல்: 3 ஆணவ மலத்துதித்து அளைந்ததில் உளைந்திடும் நிணவைப் புழுவென ந்நெளிந்திடு சிந்தையும்; படிறும் பாவமும் பழிப்புறு நினைப்பும், தவறும் அழுக்காறும் இவறுபொச் சாப்பும் கவடும் பொய்யும் சுவடும் பெருஞ்சின ...15 இகலும், கொலையும், இழிப்புறு புன்மையும் பகையும், அச்சமும், துணிவும், பனிப்பும், முக்குண மடமையும், ஐம்பொறி முயக்கமும், இடும்பையும் பிணியும் இடுக்கிய ஆக்கையை உயிர் எனும் குருகுவிட்டு ஓடும் குரம்பையை ...20 குதம்பைச் சித்தர்: கண்ணிகள்: வஞ்சகம் அற்று வழிதன்னைக் கண்டோர்க்குச் சஞ்சலம் ஏதுக்கடி? குதம்பாய் சஞ்சலம் ஏதுக்கடி? 4 முத்தமிழ் கற்று முயங்குமெய்ஞ் ஞானிக்குச் சத்தங்கள் ஏதுக்கடி? குதம்பாய் சத்தங்கள் ஏதுக்கடி? 10

***

In English:

Chapter : 19 Non-Slandering Thirukkural : 181 Non-Slandering is sweet virtue... In Tamil

aRam kURAn, alla seyinum, oruvan puRam kURAn enRal inithu.

Meaning :

Though one not uttering the good virtue and doing only the non-virtuous deeds, but if keeps up non-slandering, that will yield him happiness.

Explanation :

Though one never utters the good virtues and ever does only ill things, but when maintains the non-slandering as the virtue, that shall still provide him the happiness. It means that Non-slandering is esteemed high and special compare to non-speaking of good virtues or not following the good virtues or than doing ill deeds. Therefore the implicit meaning is that the slander is supposed to be the worst among all the evil deeds. Such slandering only affects the slanderer and the listener than the spoken person instead. All the cooked up tales and deceived words only affect the teller. That who thinks evil only goes bad. Only the liar gets deceived at the end. That who creates dishonor and deception to others suffers ultimately the defaming and denigration to the self. That who spoke off slander and untruth will lose the peace for ever. By slandering one makes the listener to believe the lies and thus make him or the public to do ill or evil deed. Is it not? That such deeds' sin also befall only on the slanderer him-self as the root cause of the chaos erupted. That who keep creating the bundles of lies, doing only the cheating works and only slandering should realize that they are actually doing the deadliest sin among all the evils and hence should try to stop it immediately and try to correct themselves by non-slandering hence forth at least to reduce their sins in future.

Message :

Though not so virtuous on his deeds when one just maintains the non-slandering as the virtue that will yield him the happiness.

***

கெட்டிக்காரப் பிள்ளைகள்... (திருக்குறள்: 68)

அதிகாரம் : 7 மக்கட் பேறு திருக்குறள் : 68 Chapter : 7 Children Thirukkural : 68

தம்மின், தம் மக்கள் அறிவுடைமை மா நிலத்து மன் உயிர்க்கு எல்லாம், இனிது.

பொழிப்புரை :

தம்மைவிடத் தம் மக்களை அறிவு உடைமை கொள்ளச் செய்தல், பரந்த உலகின் கண் நிறைந்த உயிர்களுக்கு எல்லாம் இனியதாகும்.

விரிவுரை :

தம்மைக் காட்டிலும் தாம் பெற்ற மக்களை அறிவுடையோராய் ஆக்குதல், இந்தப் பரந்த உலகின் கண் நிறைந்த உயிர்கள் அனைத்திற்கும் இனியதாகும். அதாவது தம்மைக் காட்டிலும் அறிவுடைய பிள்ளைகளால் வரும் நன்மை, இன்பம் தமக்கு மட்டுமன்றி அனைத்து உயிர்களுக்கும் இன்பம் தருவதாகும். மேலும் இன்னொரு விதத்தில், தம் மக்களை அறிவுடையோராய் ஆக்குதல் மனிதர்களுக்கு மாத்திரம் அல்ல இந்தப் பரந்த உலகில் நிறைந்திருக்கும் அனைத்து உயிர்களுக்குமே பொருந்தும் என்பதாகும். முன்னோரைக் காட்டிலும் இளவல்கள் அறிவில் முதிர்ச்சி பெறுவது பெரும்பாலும் மனிதர்களில் இயற்கையே. இன்றையக் குழந்தைகள் பெற்றோரைக் காட்டிலும் பல விடயங்களில், உதாரணத்திற்கு கணினி, ஏனைய மொழிகளில் சிறந்து விளங்குவது கண் கூடு. ஆயின் வள்ளுவர் இங்கே கூறுவது இஃது அனைத்து உயிர்களுக்கும் பொதுவானது என்பது மட்டுமல்ல அது அவற்றிற்கு இன்பம் தரும் செயல் என்கின்றார். கல்வி கேள்விகளில் சிறந்த மக்கள் இற்றைக்கு தம் பெற்றோருக்கு அவர்கள் வசித்த வீட்டைக் காட்டிலும் நல்ல வீடுகளையும், வாகன, வைத்திய வசதிகளையும் தருவதே நல்ல உதாரணம். 'மூத்தது மோழை, இளையது காளை’ என்பார்கள். அதாவது இளவல்கள் அறிவிற் சிறந்து, இன்னும் திறத்துடன், சுறு சுறுப்புடன், ஊக்கத்துடன் முன்னோக்கிச் செல்வார்கள், செல்கிறார்கள் என்பதே நடப்பில் காணக் கூடியது. எனவே தம்மைவிடத் தம் மக்களை அறிவில் சிறந்து விளங்குமாறு செய்வித்தலே நாட்டின் சமுதாய மேம்பாட்டிற்கும் நல்லது. இதையே கண்ணதாசன், ’என்னைப் பார்த்து எனை வெல்லவும்’ என்று பாடி இருப்பார். அதாவது பெற்றோர்களுக்கு தம் குழந்தைகள் வெற்றி பெறுதலை ஊக்குவிக்க, தங்களைக் காட்டிலும் வெல்ல வழி வகுக்க வேண்டும். குழந்தைகளிடம் பொறாமை கொள்ளக் கூடாது. தந்தை அறிவிற் சிறந்த சான்றோனாக இருந்தாலும் அவர் தம் மக்களும் சான்றோராய் இன்னும் அறிவிற் சிறந்தோராய் விளங்குதலே காலத்தின் கட்டாயம். தங்களை மீறிப் பிள்ளைகள் வளர வேண்டும் என்று பெற்றோர் விரும்ப வேண்டும் என்பதே இக்குறளின் உட் கருத்து. அது எல்லா உயிர்களுக்கும் பொருந்துவதும் அது இன்பம் தான் பயக்கும் என்பதும் மேற் கோள்கள். சைவத்தில் முருகனிடம் சிவன் “ஓம்” எனும் பிரணவ மந்திரத்தைக் கேட்டுக் கொள்வதாய் ஒரு படலம். இக் கருத்தைக் காட்டும் இடமே சுவாமி மலை. இதன் தாத்பரியம் தம் மக்களை தங்களைக் காட்டிலும் வெற்றிபெறச் செய்து ஊக்குவித்தலே. மேலும் தம் குழந்தையிடம் கவனித்துக் கேட்பது மட்டுமல்ல, கற்பதையே காட்டும் அற்புத உதாரணம். விளையாட்டுக்களில் பெற்றோர் தம் மக்களிடம் தோற்று அவர்கள் வெற்றி பெறுவது போல் ஒரு தோற்றத்தைக் காட்டி அவர்களை ஊக்குவிக்கச் செய்தல் நலன் கருதி மட்டுமல்ல எவ்வளவு இன்பமானது என்பதை அனுபவித்துப் பார்த்தால்தான் புரியும். விலங்குகளில் கூட துள்ளித் திரியும் மான், ஆடு, குரங்கு, குதிரை, யானை, சிங்கம், புலி மற்றும் சிறுத்தைக் குட்டிகளையும் பாருங்கள். அவற்றைப் பெற்றவைகளுக்கு அவைத் துள்ளித் திரிவதைக் காணும்போது தெரியும் பெருமிதம் புரியும். தம்மைக் காட்டிலும் வேகமாகத் திரியும் தன் குட்டிகளைப் பார்த்து அவை பரவசம் கொள்ளும். பறவைகளுக்கும் இது பொருந்தும். மனிதர்களில் இறக்கும் வரையிலும் கூட ஒருவர் கற்றுக் கொண்டே இருப்பதும் உண்மையே. ஆயின் அதைக் காட்டிலும் தம் மக்களை அறிவுடையோராய் ஆக்குதல் இன்னும் இனிமையானது. எனவே தான் கற்கக் கூடாது என்பதல்ல பொருள்; அதைக் காட்டிலும் தம் மக்களை அறிவுடையோராக்குதல் முக்கியமானது என்பதாகும். பிள்ளைகளை அறிவில் சிறந்தோராக்குதல் கடன் மாத்திரமல்ல இன்பத்தைத் தரும் செயலும் அல்லவா?

குறிப்புரை :

தம்மைத் தாண்டித் தம் மக்கள் உயர்வடைவதே எல்லா உயிர்க்கும் இன்பம்.

அருஞ்சொற் பொருள் :

மா நிலம் - பெரிய, பரந்த உலகம் மன் - மண்டுதல், பல்கிப் பெருகிய, நிறைந்த, கூடிய

ஒப்புரை :

திருமந்திரம்: 181 பாலன் இளையன் விருத்தன் எனநின்ற காலங் கழிவன கண்டும் அறிகிலார் ஞாலம்கடந்து அண்டம் ஊடறுத் தான்அடி மேலுங் கிடந்து விரும்புவன் நானே. திருமந்திரம்: 242 ஞானமி லாதார் சடைசிகை நூல்நண்ணி ஞானிகள் போல நடிக்கின் றவர் தம்மை ஞானிக ளாலே நரபதி சோதித்து ஞானமுண் டாக்குதல் நலமாகும் நாட்டிற்கே. திருமந்திரம்: 301 தேவர் பிரானைத் திவ்விய மூர்த்தியை யாவர் ஒருவர் அறிவார் அறிந்தபின் ஓதுமின் கேள்மின் உணர்மின் உணர்ந்தபின் ஓதி உணர்ந்தவர் ஓங்கி நின்றாரே. திருமந்திரம்: 305 விழுப்பமும் கேள்வியும் மெய்நின்ற ஞானத்து ஒழுக்கமும் சிந்தை உணர்கின்ற போது வழுக்கி விடாவிடில் வானவர் கோனும் இழுக்கின்றி எண்ணிலி காலம தாமே. திருமந்திரம்: 317 கல்லாத மூடரைக் காணவும் ஆகாது கல்லாத மூடர்சொல் கேட்கக் கடன்அன்று கல்லாத மூடர்க்குக் கல்லாதார் நல்லராம் கல்லாத மூடர் கருத்தறி யாரே. திருமந்திரம்: 319 ஆதிப் பிரான்அம ரர்க்கும் பரஞ்சுடர் சோதி அடியார் தொடரும் பெருந்தெய்வம் ஓதி உணரவல் லோம்என்பர் உள்நின்ற சோதி நடத்தும் தொடர்வறி யாரே.

***

In English:

thammin, tham makkaL aRivudaimai mA nilathu man uyirkku ellAm, inithu.

Meaning :

Exceeding one's own wisdom by their offspring rejoys all the livings of this wide world.

Explanation :

Offspring being the intelligent than them selves is the joy for the world's all livings. It is to say that the benefits of the offspring’s better intelligence are not only for the self but also for all the other livings. Also on the other hand, making the offspring as intelligent is not only applicable to human beings but also to the all other livings of this earth. In human kind it is natural that the offspring always shine better than the older ones. For example, it is more evident that all most all the kids today do better in computers, games and languages etc. But what Thiruvalluvar says here is, it is not only common across livings, but it brings joy to them. All those who provided better shelter than they born to their parents, those who have provided better transportations to them, those who provide better medication to them are generally more knowledgeable and educated than their parents. There is saying that the younger ones are more vibrant than the elder ones. That is to say that the intelligent younger ones are more energetic, active and go-getters. That is what we see more apparently today. Therefore it is also good and better for society that the younger ones to be made more wiser and knowledgeable. Kannadhasan, the great poet of Tamil, therefore says in one of his famous a movie song that ‘You should look and win over me’ is the saying to his kid by a successful father. Therefore the parents must also encourage their children to win over them by providing appropriate avenues. They should not become envy with their own kid's developments. Though the father is a proven scholar or en expert, it is necessary that their kids also should do better themselves taking them as exemplary. Parents must love to make their children grow beyond themselves and they should wish for it is the message of this kural. That will render only happiness to every livings is the additional information. In Saivam religion, there is an example that the Lord Siva hears the 'Om' pranava mantra from his child, the god Muruga (Karthikeya). The place history of 'Swamimalai' in Tamil Nadu depicts this event in the purana. The concept on this event is to portray the parent must encourage their own children to win and outsmart them selves. It is an excellent example, which also conveys to give attentive listening to the kids and also learning from them. While playing with the kids, the parents must intelligently give ways to the kids to win, so that they get confidence and motivated in life. Needless to say that it also brings the joy to the core. Even the animals like deer, sheep, monkeys, horses, elephants, lions, tigers, cheetahs feel proud when their offspring jumps and plays around and grow. Just observe them. The parent animals are happy and play with their offspring and feel happy when they run faster than themselves. This is the same case with birds too. For men it is true that one's education continues till the death time. However making the children educated and cultivating them to become more intelligent is more joyful than one's own education. It does not mean that to stop one's own education but to give more priority to his children to come up. It is not only his duty but won't it bring the happiness to all?

Message :

Every living thing rejoices the advancement of its offspring.

***