திருக்குறள்:139 (தீயவை பகரா ஒழுக்கம்...)

அதிகாரம் : 14 ஒழுக்கமுடைமை திருக்குறள் : 139 தீயவை பகரா ஒழுக்கம்... In English

ஒழுக்கம் உடையவர்க்கு ஒல்லாவே-தீய வழுக்கியும், வாயால் சொலல்.

பொழிப்புரை :

ஒழுக்கம் உடையவருக்கு இயலாதே - தீய சொற்களைத் தவறியும் வாயால் சொல்லுதல்.

விரிவுரை :

ஒழுக்கம் உடையவருக்குப் பொருந்தாதே, தீமை பயக்கும் சொற்களைத் தவறியும் தம் வாயால் சொல்லுதல். எண்ணத்தில் ஒழுக்க சிந்தனை உடையவருக்கு மறந்தும் அன்றில் நாக்குத் தவறி அல்லது வாய் குழறிக் கூட தீய சொற்கள் வருவதில்லை. நேர்மறை எண்ணங்களும், நல்லன பேசி அல்லன தவிர்க்கும் ஒழுக்கம் ஆழ் மனத்திலே கொண்டிருப்போரும் எதிர்மறை எண்ணத்தை, தீமை பயக்கும் வார்த்தையை, பயனிலாச் சொல்லை மறந்தும் உச்சரிக்க மாட்டார்கள். தீச் சொற்களைப் பயன்படுத்துவதால் பிறருக்கு என்ன தீங்கிழைக்குமோ அதே பயனைச் சொல்வோருக்கும் வழங்கும் எனும் நுணுக்கம் அறிந்தோரால், எப்படி அவற்றைப் பயன் படுத்த இயலும்? எனவே, ஒழுக்கம் எனும் நற் பண்பு உடையோர் தீச் சொற்களை மறந்தும் அன்றில் தவறியும் சொல்ல மாட்டார்கள்; சொல்லக் கூடாது என்பதே வள்ளுவர் தரும் மறை பொருள்.

குறிப்புரை :

ஒழுக்கமுடையோர் தீச் சொற்களைத் தவறியும் சொல்லார்.

அருஞ்சொற் பொருள் :

ஒல்லுதல் - இயலுதல், உடன்படுதல், பொருந்துதல், பொறுத்தல்

ஒப்புரை :

திருமந்திரம்: 2113 மேற்கொள்ள லாவதோர் மெய்த்தவம் ஒன்றுண்டு மேற்கொள்ள லாவதோர் மெய்த்தாளும் ஒன்றுண்டு மேற்கொள்ள லாவதோர் மெய்ந்நெறி ஒன்றுண்டு மேற்கொள்ள லாம்வண்ணம் வேண்டிநின்றோர்க்கே. திருமந்திரம்: 2114 சார்ந்தவர்க்கு இன்பம் கொடுக்கும் தழல்வண்ணன் பேர்ந்தவர்க்கு இன்னாப் பிறவி கொடுத்திடும் கூர்ந்தவர்க்கு அங்கே குரைகழல்காட்டிடும் சேர்ந்தவர் தேவரைச் சென்றுணர் வாரே. திருமந்திரம்: 2115 முத்தியை ஞானத்தை முத்தமிழ் ஓசையை எத்தனை காலமும் ஏத்துவர் ஈசனை நெய்த்தலைப் பால்போல் நிமலனும் அங்குளன் அத்தகு சோதி அதுவிரும் பாரே. திருமந்திரம்: 2116 நியமத்த னாகிய நின்மலன் வைத்த உகம்எத் தனையென்று ஒருவரும் தேறார் பவமத்தி லேவந்து பாய்கின்றது அல்லால் சிவமத்தை ஒன்றும் தெளியகில் லாரே. திருமந்திரம்: 2117 இங்கித்தை வாழ்வும் எனைத்தோர் அகிதமும் துஞ்சொத்த காலத்துத் தூய்மணி வண்ணனை விஞ்சத்து உறையும் விகிர்தா எனநின்னை நஞ்சுஅற் றவர்க்குஅன்றி நாடஒண் ணாதே. திருமந்திரம்: 2118 பஞ்சமும் ஆம்புவி சற்குறுபால்முன்னி வஞ்சகர் ஆனவர் வைகில் அவர்தம்மை அஞ்சுவன் நாதன் அருநர கத்துஇடும் செஞ்சநிற் போரைத் தெரிசிக்கச் சித்தியே. ஔவையார். ஆத்திச்சூடி: 2. ஆறுவது சினம். 32. கடிவது மற. 47. சீர்மை மறவேல்.

***

In English:

Chapter : 14 Virtuousness Thirukkural : 139 Disciplined utters not ill... In Tamil

ozhukkam udaiyavarkku ollAvE-thIya vazhukkiyum, vAyAl solal.

Meaning :

It is improper to the disciplined, to utter the ill even by slip of the tongue.

Explanation :

It is inappropriate and unconventional for the righteous people to utter ill words even by slip of the tongue. Those who are disciplined in their thoughts will never tell foul words even by slips of tongue or gabble or babble. That who planted deep in their subconscious mind only Positive thinking and speak only good and avoid ill, will never utter negative thoughts, ill and useless words even by any mistakes. Those who knew the nuances that uttering bad words and negative statements causes damages not only to the opponent but also equally to the self, how can they utter them? Therefore, the good disciplined will never utter the ill even by slips; and hence they should never utter is the implicit meaning here by Valluvar.

Message :

Disciplined do not utter ill even by slip of the tongue.

***

திருக்குறள்:131 (உயிரினும் உயர்ந்தது ஒழுக்கம்...)

அதிகாரம் : 14 ஒழுக்கமுடைமை திருக்குறள் : 131 உயிரினும் உயர்ந்தது ஒழுக்கம்... In English

ஒழுக்கம் விழுப்பம் தரலான், ஒழுக்கம் உயிரினும் ஓம்பப்படும்.

பொழிப்புரை :

ஒழுக்கம் [வாழ்க்கை] மேன்மையைத் தருதலான், அவ்வொழுக்கத்தை உயிரினும் மேலானதாகப் பேணி ஒழுகப்படும்.

விரிவுரை :

ஒழுக்கம் மேன்மை உயர்வினைத் தருதலான், அவ்வொழுக்கம் உயிரினும் முக்கியமானதாய்ப் பேணப்படும். வாழுவதற்கு உயிர் இன்றியமையாதது. ஆயின் வெறும் உயிரோடு, பிறந்தோம் இறந்தோமென மனிதர்கள் இருந்து விட்டால் வாழ்க்கைக்குத்தான் அர்த்தமேது? எனவே வாழ்வு சிறக்க, புகழுடன் பயனுற வாழுதலே, உயிர்தரித்தலிலும் இன்றியமையாதது. மனிதர்கள் அவ்வாறு பிறருக்கும், உலகத்திற்கும், சமுதாயத்திற்கும் ஏன் தனக்கும் பயனுற, புகழுடன், இனிமையுடன், நற் காரியங்கள் சாதித்து உயர்வுற அர்களுக்கு ஒழுக்கம் அத்தியாவசியமான, அடிப்படைக் குண நலன். நல் ஒழுக்கத்தை இடையறாது பேணாது, நன் நெறியை மறவாது ஒழுகாது யாரும் வாழ்வில் உயர்வு என்பதை நிச்சயம் அடைய முடியாது. எனவே வாழ்வின் மேன்மைகளை, உயர்வுகளைத் தரும் ஒழுக்கத்தைத் தமது உயிரினும் மேலானதாகக் கொண்டு பேணிக் காத்தல் வேண்டும் என்பது பொருள். ஒருவர் வாழுவதற்கு உயிர் அத்தியாவசியமானது, அவர் வாழ்வை முழுமைப் படுத்த அதைக் காட்டிலும் ஒழுக்கம் மிக அவசியமானது.

குறிப்புரை :

உயிரைக் காட்டிலும் முக்கியமானது ஒழுக்கம்.

அருஞ்சொற் பொருள் :

விழுப்பம் - விழுமம், மேன்மை, உயர்வு, சிறப்பும், பெருமை, நன்னிலை ஓம்புதல் - பாதுகாத்தல், பேணுதல்

ஒப்புரை :

திருமந்திரம்: 2068 செய்தான் அறியும் செழுங்கடல் வட்டத்துப் பொய்தான் மிகவும் புலம்பும் மனிதர்கள் மெய்தான் உரைக்கில்விண் ணோர் தொழச் செய்வான் மைதாழ்ந்து இலங்கும் மிடறுடை யோனே. திருமந்திரம்: 2069 பத்துவிற் றுண்டு பகலைக் கழிவிடும் மத்தகர்க்கு அன்றோ மறுபிறப்பு உள்ளது வித்துக்குற் றுண்டு விளைபுலம் பாழ்செய்யும் பித்தர்கட்கு என்றும் பிறப்பில்லை தானே. திருமந்திரம்: 2070 வடக்கு வடக்கென்பர் வைத்ததுஒன்று இல்லை நடக்க உறுவரே ஞானமி ல்லாதார் வடக்கில் அடங்கிய வையகம் எல்லாம் அகத்தில் அடங்கும் அறிவுடை யோர்க்கே. திருமந்திரம்: 2071 காயக் குழப்பனைக் காயநன் னாடனைக் காயத்தி னுள்ளே கமழ்கின்ற நந்தியைத் தேயத்து ளேஎங்கும் தேடித் திரிவர்கள் காயத்துள் நின்ற கருத்தறி யாரே. திருமந்திரம்: 2072 கண்காணி யாகவே கையகத் தேயெழும் கண்காணி யாகக் கருத்துள் இருந்திடும் கண்காணி யாகக் கலந்து வழிசெய்யும் கண்காணி யாகிய காதலன் தானே. திருமந்திரம்: 2073 கன்னி ஒருசிறை கற்றோர் ஒருசிறை மன்னிய மாதவம் செய்வோர் ஒருசிறை தன்னியல்பு உன்னி உணர்ந்தோர் ஒருசிறை என்னிது ஈசன் இயல்புஅறி யாரே. ஔவையார். கொன்றை வேந்தன் : 9. ஐயம் புகினும் செய்வன செய்

***

In English:

Chapter : 14 Virtuousness Thirukkural : 131 Discipline is superior to Life... In Tamil

ozhukkam vizhuppam tharalAn, ozhukkam uyirinum Ombappadum.

Meaning :

Discipline gives excellence to life therefore such discipline must be upheld more than the life.

Explanation :

As the good discipline gives excellence in life it must be upheld more importantly than one's own life. Life is important to live. But when one considers just the Life is meant to live and die then what is the purpose of it? Therefore to make the Life eminent, it should be made useful and honored and hence those qualities are more important than just living with the Life. Human beings to be useful to one and all, to the world, to the society, to one's own self, to live with glory, to extol, to be happy, to accomplish greater deeds and to grow, discipline is important and necessary trait. Without practicing continuously the good discipline un-forgetting the good virtues one cannot certainly achieve greatness at all. Therefore one should consider the excellence and eminence giving good virtues and discipline above their own life, practice and preserve them forever. Life is important to live for one; to make the Life complete in its sense more important is good discipline.

Message :

Discipline is essential than Life.

***