திருக்குறள்: 101 (ஆரம்ப உதவி அளப்பரியது...)

அதிகாரம் : 11 செய்ந்நன்றி அறிதல் திருக்குறள் : 101 Chapter : 11 Gratitude Thirukkural : 101

செய்யாமல் செய்த உதவிக்கு வையகமும் வானகமும் ஆற்றல் அரிது.

பொழிப்புரை :

பிரதி உபகாரமாகச் செய்யாமல் செய்த உதவிக்கு, வையகமும், வானகமும் கூட ஈடாகுதல் அரிது.

விரிவுரை :

தான் எந்த உதவியும் செய்யாமல், தனக்கு ஒருவர் செய்த உதவிக்கு வையகத்தையும், வானகத்தையும் [இணைத்தும்] ஈடாக ஆக்குதல் அரிது. பிரதிபலனாகச் செய்யப் படும் உதவி, நன்றிக் கடனைத் தீர்ப்பதால் அதற்கு ஒப்பீடு இருக்கிறது. ஆனால் பிரதி பலனாக அன்றிச் செய்யப்படும் முதல் உதவிக்கு ஒப்பீடு ஏது? அது ஈடு, இணையற்றது. எனவே அத்தகைய உதவிக்கு பூமியும், வானமும் இணையாகாது. செய்யாமல் செய்த உதவி என்பதற்கு யாரும் செய்யாமல் கைவிட்ட போழ்து செய்த உதவி என்றும் கொள்ளலாம். மேலும் செய்ய இயலாது, சிரமத்தின் ஊடே செய்யப்பட்ட உதவி என்றும் கொள்ளலாம். அனைத்திலும் அத்தகைய உதவிக்கு கைம்மாறாக விண்ணையும், மண்ணையும் சேர்த்துக் கொடுத்தாலும் ஈடாகாது என்பதே கருத்து. எனவே செய்யப்பட்ட உதவியின் அளவைக்காட்டிலும் அதற்குக் கைம்மாறு செய்வதற்காகக் காட்ட வேண்டிய நன்றிக்கு அளவே இல்லை என்பது உட்பொருள். உண்மைதானே? எங்கோ பிறந்து, எங்கோ வளர்ந்து, சம்பந்தமில்லாத நபர் ஒருவர் கருணை கொண்டு செய்யும் ஒரு சின்ன உதவியினால் வாழ்வில் முன்னேறி இருப்பவர்கள் காலா காலத்திற்கும் அவருக்கு நன்றிக் கடன் பட்டிருப்பார்களே. அதற்கு அளவு ஏதும் உளதோ? அன்றில் நன்றி மறந்தவர்கள் உண்மையில் மனிதர்களா?

குறிப்புரை :

பிரதி பலனன்றிச் செய்யும் முதல் உதவிக்கு பூமியும், வானமும் இணையாகாது.

அருஞ்சொற் பொருள் :

ஆற்றல் - தணித்தல், நிறைவேற்றுதல், நிகழ்த்துதல், நடத்துதல், பொறுத்தல், உதவுதல், தேடுதல், வலிமை அடைதல், போதியதாகுதல், நீக்குதல்.

ஒப்புரை :

ஔவையார். மூதுரை: நன்றி ஒருவர்க்குச் செய்தக்கால் அந் நன்றி 'என்று தருங்கொல்?' என வேண்டா - நின்று தளரா வளர் தெங்கு தாள் உண்ட நீரைத் தலையாலே தான் தருதலால். 1 ஔவையார். நல்வழி: புண்ணியம் ஆம் பாவம் போம் போன நாள் செய்த அவை மண்ணில் பிறந்தார்க்கு வைத்த பொருள் - எண்ணுங்கால் ஈதொழிய வேறில்லை; எச்சமயத்தார் சொல்லும் தீதொழிய நன்மை செயல். 1 மாணிக்கவாசகர். திருவாசகம். 12. திருச்சாழல் - சிவனுடைய காருணியம்: ... கோயில் சுடுகாடு கொல்புலித்தோல் நல்லாடை தாயுமிலி தந்தையிலி தான் தனியன் காணேடீ தாயுமிலி தந்தையிலி தான்தனியன் ஆயிடினும் காயில் உலகனைத்துங் கற்பொடிகாண் சாழலோ. 257 அயனை அனங்கனை அந்தகளைச் சந்திரனை வயனங்கள் மாயா வடுச்செய்தான் காணேடீ நயனங்கள் மூன்றுடை நாயகனே தண்டித்தால் சயமன்றோ வானவர்க்குத் தாழ்குழலாய் சாழலோ. 258 மாணிக்கவாசகர். திருவாசகம். 20. திருப்பள்ளியெழுச்சி - திரோதான சுத்தி : புவனியில் போய்ப்பிற வாமையின் நாள்நாம் போக்குகின் றோம்அவ மேஇந்தப்பூமி சிவனுய்யக் கொள்கின்ற வாறென்று நோக்கித் திருப்பெருந் துறையுறை வாய்திரு மாலாம் அவன்விருப் பெய்தவும் மலரவன் ஆசைப் படவும்நின் அவர்தம்மெய்க்கருணையும் நீயும் அவணியில் புகுந்தெமை ஆட்கொள்ள வல்லாய் ஆரமு தேபள்ளி யெழுந்தருளாயே. 377

***

In English: (Thirukkural: 101)

seyyAmal seytha uthavikku vaiyakamum vAnakamum ARRal arithu.

Meaning :

The unreciprocated help offered cannot be compensated with Sky and Earth together.

Explanation :

Having no any help received previously, if one offers the help; such help cannot be equaled with sky and earth together. The help offered after any prior helps received becomes reciprocated help and there is possibility always to compare it with the previous one. But is there a comparison for the unreciprocated help that is the first help? That cannot be compared at all. Therefore it cannot be equalized even with sky and earth put together. "seyyAmal seytha uthavi' in Tamil can also be considered as not only that The help offered without any prior helps, but also that the help not offered by any others. Also it can mean as the Help rendered with great difficulties. However in all the cases the driving point is that such help cannot be compared with sky and earth together. Therefore than the size of the actual help offered, the size of the reciprocation and the gratitude in return for it cannot be measured and compared. That is the implied meaning here. Is it not true? Born somewhere, brought up somewhere but with no any relation as such, someone out of blue comes and kindly offers a small help, to turn and change the entire life and be the cause for successful life of today. For such help received, the receivers will have gratitude throughout their life. Is there any measure to it? Or one who forgets such helps will be indeed a human being?

Message :

Sky and earth cannot equalize the unreciprocated help offered.

***

திருக்குறள்: 29

அதிகாரம்: 3. நீத்தார் பெருமை. திருக்குறள்: 29


குணம் என்னும் குன்று ஏறி நின்றார் வெகுளி
கணம் ஏயும், காத்தல் அரிது.


பொழிப்புரை (Meaning) :
குணம் என்னும் குன்றின் மேல் ஏறி நின்ற சான்றோருக்கு, கோபம் கணப் பொழுதே கோபம் வரக்கூடும், ஆனால் அதிலிருந்து வரும் தீமையிலிருந்து காத்தல் அரிது.


விரிவுரை (Explanation) :
குணம் என்னும் குன்றின் மேல் நல்ல பண்புகளால் ஏறி நிற்கும் பெரியோருக்கு கோபமே வாராது. அவர்களுக்கு ஒரு வேளை கோபம் ஏற்பட்டால் அது ஒரு கணப் பொழுதே வரக் கூடும். ஆனால் அந்த கணப் பொழுது வரும் சினத்தால் ஏற்படும் விளைவை, சினத்திற்குக் காரணம் ஆனவர்களால் தடுத்துக் காத்தல் இயலாது. முனிவர்களின் சினம் கடும் விளைவுகளை ஏற்படுத்தி விடும்.

ஆக, குணக் குன்றின் மேல் நிற்கும் சான்றோரைத் துறவிகளைப் பகைத்தல் கூடாது, பகைத்தால் அவரது சினத்திற்கு ஆளாகக் கூடும். அவ்வமயம் அச் சினத்திலிருந்து அவரைக் காப்பாற்ற யாராலும் இயலாது என்பது பொருள்.

மேலும் குணக் குன்றின் மேல் நிற்கும் பண்பாளர், கோபம் ஏற்படின் கணப் பொழுதும் அதைப் பேண மாட்டார் என்றும் பொருள் கொள்ளலாம். எனவே பண்பாளருக்குக் கோபம் என்பது தொடராமல், கணப்பொழுது கூட நிற்காமல் மறைந்துவிடும்.


குறிப்புரை (Message) :
சான்றோர்கள் கோபத்தைப் பேண மாட்டார். இருப்பினும் சான்றோர்களின் சினத்திற்கு ஆளாதல் கூடாது.


அருஞ்சொற் பொருள் (Synonyms) :
கணம் - நொடிப் பொழுது


ஒப்புரை (References) :

திருமந்திரம்: 1624
ஒடுங்கி நிலைபெற்ற வுத்தமர் உள்ளம்
நடுங்குவ தில்லை நமனுமங் கில்லை
இடும்பையும் இல்லை இராப்பகல் இல்லை
படும்பயன் இல்லை பற்றுவிட் டோர்க்கே.

திருமந்திரம்: 1627
இருந்து வருந்தி எழிறவஞ் செய்யும்
பெருந்தன்மை யாளரைப் பேதிக்க வென்றே
இருந்திந் திரனே யெவரே வரினுந்
திருந்துந்தஞ் சிந்தை சிவனவன் பாலே.

திருமந்திரம்: 1630
அமைச்சரும் ஆனைக் குழாமும் அரசும்
பகைத்தெழும் பூசலுட் பட்டார் நடுவே
அமைத்ததோர் ஞானமும் ஆத்தமும் நோக்கி
இமைத்தழி யாதிருந் தார்தவத் தாரே.

திருமந்திரம்: 1631
சாத்திரம் ஓதுஞ் சதுர்களை விட்டுநீர்
மாத்திரைப் போது மறித்துள்ளே நோக்குமின்
பார்த்தவப் பார்வை பசுமரத் தாணிபோல்
ஆர்த்த பிறவி அகலவிட் டோடுமே.

திருமந்திரம்: 1703
சற்குணம் வாய்மை தயாவிவே கந்தண்மை
சற்குரு பாதமே சாயைபோல் நீங்காமே
சிற்பர ஞானந் தெளியத் தெளிவோர்தல்
அற்புத மேதோன்ற லாகுஞ்சற் சீடனே.

திருமந்திரம்: 1976
பகலவன் மாலவன் பல்லுயிர்க்கு எல்லாம்
புகலவ னாய்நின்ற புண்ணிய நாதன்
இகலற ஏழுல கும்உற வோங்கும்
பகலவன் பல்லுயிர்க்கு ஆதியும் ஆமே.

ஔவையார்: மூதுரை: 4
அட்டாலும் பால்சுவையிற் குன்றா தளவளாய்
நட்டாலும் நண்பல்லார் நண்பல்லர்
கெட்டாலும் மேன்மக்கள் மேன்மக்க ளேசங்கு
சுட்டாலும் வெண்மை தரும்.

ஔவையார்: மூதுரை: 23
கற்பிளவோ டொப்பர் கயவர் கடுஞ்சினத்துப்
பொற்பிளவோ டொப்பரும் போல்வாரே - விற் பிடித்து
நீர் கிழிய எய்த வடுப்போல மாறுமே
சீரொழுகு சான்றோர் சினம்.


***

திருக்குறள்: 16

அதிகாரம்: 2. வான் சிறப்பு. திருக்குறள்: 16

விசும்பின் துளி வீழின் அல்லால், மற்று ஆங்கே
பசும்புல் தலை காண்பு அரிது.


பொழிப்புரை (Meaning) :
வானின் மழைத்துளி வீழாதே அல்லால், பிறகு அங்கே, பசும்புல்லின் தலையைக் காண்பதும் அரிது.


விரிவுரை (Explanation) :
வானின்று மழைத்துளி விழாமல் இருந்துவிட்டால் பின்னர் பசும்புல்லின் தலையையும் காண்பது கடினம் அல்லது காண இயலாது. பசும்புல் என்பது ஓரறிவு கொண்ட உயிர். அதாவது ’ஓரறிவு கொண்ட உயிரே காணாமல் போய்விடும் என்றால் மற்றவற்றின் நிலையை என்னவென்று சொல்வது?’ என்பது உட்பொருட் கேள்வி.

எனவே மழையின் இன்றியமையாமை சொல்லாமல் சொல்லப் படுகின்றது.


குறிப்புரை (Message) :
மழையில்லாது பசும்புல்லும் தலை காட்டாது.


அருஞ்சொற் பொருள் (Synonyms) :
விசும்பு - மேகம், வானம், விண்


ஒப்புரை (References) :
ஐம்பூதங்களில் ஒன்றான வான மண்டலமும் இறை அங்கமே.

சிவவாக்கியம்:281
ஏழுபார் எழுகடல் இடங்கள்எட்டு வெற்புடன்
சூழுவான் கிரிகடந்து சொல்லும் ஏழுலகமும்
ஆழிமால் விசும்புகொள் பிரமாண்டரண்ட அண்டமும்
ஊழியான் ஒளிக்குளே உதித்துடன் ஒடுங்குமே.

பட்டினத்தார்: (திருக்கழுமல மும்மணிக்கோவை)
அருள்பழுத்தளிந்த கருணைவான்கனி
ஆராவின்பத் தீராக்காதல்
அடியவர்க்கமிர்த வாரிநெடுநிலை
மாடக்கோபுரத் தாடகக்குடுமி
மழைவயிறுகிழிக்குங் கழுமலவாணநின்
வழுவாக்காட்சி முதிராவிளமுலைப்
பாவையுடனிருந்த பரமயோகி
....

திருக்குறள்: 8. அறக்கடலால் அனைத்தையும் வெல்லு!

அதிகாரம்	:	1.	கடவுள் வாழ்த்து
திருக்குறள்	:	8.	அறக்கடலால் அனைத்தையும் வெல்லு!
			In English

 

அறவாழி யந்தணன் றாள் சேர்ந்தார்க் கல்லாற் பிறவாழி நீந்த லரிது.

அற ஆழி அந்தணன் தாள் சேர்ந்தார்க்கு அல்லால் பிற ஆழி நீந்தல் அரிது.

பொழிப்புரை :

அறக்கடலாகிய அகத்தே குளிருடைய இறைவனின் திருவடிகளைச் சேர்ந்து ஒழுகுபவரைத் தவிர மற்றவர்கள் மற்றைய கடல்களாகிய பொருட் கடலையும், இன்ப சாகரத்தையும் கடக்க இயலாது.

விரிவுரை :

அறம், பொருள், இன்பம் எனும் கடல்களைக் கடப்பதே மனித வாழ்வின் நோக்கம். எனவே அறமாகிய முதற் கடலினைத் தாண்டாது மற்றவற்றை கடக்க இயலாது என்பது பொருள், இதானால் அறம் என்பது இம்மூன்றுள் தலையானது என்பது நுணுக்கம். எனவே அத்தகைய அறம் எனும் பெருங்கடலை இறைவனாக்கி வள்ளுவர் அதையும் அகத்தே தண்ணளியனாக்கி, வேய்ங்கடந்தோனாக்கி அவர்தம் பாதங்களைப் பணிந்து ஒழுகாதவர்களுக்கு மற்றைய கடல்களைக் கடக்க இயலாது என்று தெளிவு செய்கிறார். அதில் ஈண்டு பெறுவது முதலில் அறக்கடலெனும் இறைவனின் திருவடிகளைப் பணிந்து ஒழுகி அதைக் கடக்க வேண்டும். அவ்வாறு செய்பவர்களே மற்றைய கடல்களைக் கடக்க இயலும் என்பதே. இதில் அறத்தின் முக்கியத்துவம் மட்டுமன்றி, எதிலும் ஒரு வரிசைக்கிரமமாக வெற்றி பெற வேண்டும் என்பதும் மறை பொருள். அந்தணன் என்பது பொருட்பற்றோ, காமத்துப்பற்றோ அன்றி அறத்தை மட்டுமே ஒழுகி எல்லா உயிர்களிடத்தும் அன்பு கொண்டோன் என பின்னர் நீத்தார் பெருமையில் விளக்கம் தருவதைப் புரிந்து கொண்டால், அத்தகையத் தன்மை கொண்ட அருட் கடலாகிய இறைவனை என்பது விளங்கும்.

குறிப்புரை :

அறக் கடலாகிய இறைவனைப் பேணியே பொருள், இன்பம் எனும் கடல்களைக் கடக்க இயலும்.

அருஞ்சொற் பொருள் (Synonyms) :

ஆழி : கடல் அந்தணன்: சான்றோன், இறைவன், அகத்தே தண்மையானவன்

ஒப்புரை :

அறம், பொருள், இன்பத்தில் தலையாயது அறம். எனவே அதனை முதலில் கடந்து, அறமே வடிவாகிய இறைவனின் பாதங்களை ஒழுகி மற்றைய கடல்களைக் கடத்தல் அவசியம் என்கிறார். ’ஆழி மழைக் கண்ணா’ என்று விஷ்ணுவை ஆண்டாள் அழைப்பது இங்கே குறிப்பிடத் தக்கது. சமயங்களையும், சாதிகளையும் சாராத வள்ளுவர் அற ஆழி அந்தணன் என்பதன் காரணம் அவற்றின் சார்பற்ற பயன்பாட்டினைக் குறிக்கவே. கடவுள் வாழ்த்தில் கடவுளை எந்தச் சமயத்திற்கும் சாராது குறிப்பிடவே வெவ்வேறு பொது நாமங்களில் இறைவனை வள்ளுவர் குறிப்பிடுகிறார். இதைப் போலவே இலக்கியங்களில் ஆரியன் என்பதும் இறைவனை அழைக்கப் பயன்படுத்தப் பட்டுள்ளது. அதற்கு அர்த்தம் ’மேன்மைமிக்கவனே’ என்பதாகும். திருமந்திரம்: 195 ஆம் விதி நாடி அறம் செய்மின் அந்நிலம் போம்விதி நாடிப் புனிதனைப் போற்றுமின் நாம்விதி வேண்டும் அது என் சொலின் மானிடர் ஆம்விதி பெற்ற அருமை வல்லார்க்கே. திருமந்திரம்: 258 திளைக்கும் வினைக்கடல் தீர்வு உறு தோணி இளைப்பினை நீக்கும் இருவழி உண்டு கிளைக்கும் தனக்கும் அக்கேடு இல் புகழோன் விளைக்கும் தவம் அறம் மேல் துணை ஆமே. திருமந்திரம்: 259 பற்றது வாய்நின்ற பற்றினைப் பார்மிசை அற்றம் உரையான் அறநெறிக்கு அல்லது உற்று உங்களால் ஒன்றும் ஈந்ததுவே துணை மற்று அண்ணல் வைத்த வழிகொள்ளும் ஆறே. திருமந்திரம்: 260 எட்டி பழுத்த இருங்கனி வீழ்ந்தன ஒட்டிய நல்லறம் செய்யாதவர் செல்வம் வட்டிகொண்டு ஈட்டியே மண்ணில் முகந்திடும் பட்டிப் பதகர் பயன் அறியாரே. திருமந்திரம்: 262 அறம் அறியார் அண்ணல் பாதம் நினையுந் திறம் அறியார் சிவலோக நகர்க்குப் புறம் அறியார் பலர் பொய்ம்மொழி கேட்டு மறம் அறிவார் பகை மன்னி நின்றாரே. திருமந்திரம்: 267 இன்பம் இடர் என்று இரண்டு உற வைத்தது முன்பு அவர் செய்கையினாலே முடிந்தது இன்பம் அது கண்டும் ஈகிலாப் பேதைகள் அன்பு இலார் சிந்தை அறம் அறியாரே. திருமந்திரம்: 273 ஆர்வம் உடையவர் காண்பார் அரன் தன்னை ஈரம் உடையவர் காண்பார் இணை அடி பாரம் உடையவர் காண்பார் பவந்தன்னைக் கோர நெறி கொடு கொங்கு புக்காரே. சிவவாக்கிய சித்தர்: 8 மண்ணும் நீ விண்ணும் நீ மறிகடல்கள் ஏழும் நீ எண்ணும் நீ எழுத்தும் நீ இசைந்தபண் எழுத்தும் நீ கண்ணும் நீ மணியும் நீ கண்ணுள் ஆடும் பாவை நீ நண்ணும் நீ நீர்மை நின்றபாதம் நண்ணுமாறு அருளிடாய்.

•••

 

 

Chapter	:	1.	The Praise of The God
Thirukkural	:	8.	Conquer all through God, the ocean of virtues!
			In Tamil

 

	aRa Azhi andhaNan thAL sErndhArkku allAl piRa Azhi neendhal aridhu.
	Meaning :
	Unless reaching HIS feet, the sea of Virtue, it is hard for one to cross the rest of the seas of life such as wealth and happiness.
	Explanation :
	The purpose of human life is to cross the seas of virtue, meaning, and pleasure. Therefore, it means that without crossing the first ocean called virtue, it is not possible to cross the others. Hence virtue is the head among these three is another subtlety. Therefore Valluvar makes it such that a big ocean called virtue as GOD, that too as the one coolest who has transcended the heat, and also he makes it clear that others who donot worship the Gods feet cannot cross other oceans. The thing to get from this is that firstly one should bow down and worship the God, ocean of virtues and cross it by following. Only those who do so can cross the other oceans. Implied here is that not only the importance of virtue, but also the need to succeed in anything in a systematic order. If one understands that the explanation given later in Neethar's Pride, Anthanan means is one with no attachment what so ever to wealth or lust but only bestows the virtues and shovers compassion on all the lives, it is nothing but the God that who has such qualities.
	Message :
	Only those who follow on the God, the ocean of virtue, can transcend the other substance and pleasure seas.
	References :
	Virtue is the head among the three of virtue, wealth and pleasure. Therefore it is necessary to cross it first and cross the other seas for which by following at the foot of the virtuous Lord. It is worth mentioning here that Lord Andal called Vishnu 'Azhi Mazhaik Kanna'. The reason why Valluvar, who is independent of religions and castes, mention as Aara Azhi Anthanan, is only to show their independent usage. In KadavuL vAZhthu chapter, Valluvar specifies and shows the God as independent of any religion by referring him through different common names. Similarly in the literature Aryan is also used to call the Lord. It means ‘superior’. Thirumanthiram: 195 Am vidhi nAdi aRam seimin annilam pOmvidhi nAdip punithanaip pOtrumin nAmvidhi vENdum adhu en solin mAnidar Amvidhi petra arumai vallArkE. Thirumanthiram: 258 thiLaikkum vinaikkadal theervu uRu thONi iLaippinai neekkum iruvazhi undu kiLaikkum thanakkum akkEdu il pugzhOn viLaikkum thavam aRam mEl thuNai AmE. Thirumanthiram: 259 patRadhu vAinindRa patRinaip pArmisai atRam uraiyAn aRaneRikku allathu utru ungaLAl ondrum eendhadhuvE thuNai matRu aNNal vaitha vazhikoLLum ArE. Thirumanthiram: 260 etti pazhutha irungani veezhndhana ottiya nallaRam seyyAthavar selvam vattikoNdu eettiyE maNNil mugandhidum pattip padhkar payan aRiyArE. Thirumanthiram: 262 aRam aRiyAr aNNal pAdham ninaiyundh thiRam aRiyAr sivalOga nagarkkup puRam aRiyAr palar poimmozhi kEttu maRam aRivAr pagai manni nindrArE. Thirumanthiram: 267 inbam idar endru irandu uRa vaithathu munbu avar seigaiyinAle mudindhadhu inbam adhu kaNdum eegilAp pEdhaikaL anbu ilAr sindhai aRam aRiyArE. Thirumanthiram: 273 Arvam udaiyavar kANbAr aran thannai Eeram udaiyavar kANbAr iNaiadi pAram udaiyavar kANbAr pavandhannaik kOr neRi kodu kongu pukkArE. SivavAkkiya Siddhar: 8 maNNum nee viNNum nee maRikadalkaL Ezhum nee eNNum nee ezhuththum nee isaindhapaN ezhuththum nee kaNNum nee maNiyum nee kaNNuL Adum pAvai nee naNNum nee neermai nindrapAdham naNNuMARu aruLidai.
	•••