திருக்குறள்:168 (பொறாமை எனும் தீய எண்ணம்...)

அதிகாரம் : 17 அழுக்காறாமை திருக்குறள் : 168 பொறாமை எனும் தீய எண்ணம்... In English

அழுக்காறு என ஒரு பாவி திருச் செற்று, தீயுழி உய்த்து விடும்.
பொழிப்புரை :
பொறாமை எனும் ஓர் எண்ணம், கொண்டவனின் செல்வத்தையும் சிறப்பையும் சிதைத்துத் தீய நரகில் ஆழ்த்தி விடும்.
	புதிய மாறுபட்ட கருத்துக்கள் இவ் விளக்கங்களில் உள்ளன.
விரிவுரை :
பொறாமை என்கின்ற ஒரு தீய ’எண்ணம்’, கொண்டவனின் செல்வத்தைச், சிறப்பை, மேன்மையைச் சிதைத்து தீது நிரம்பிய நரகில் ஆழ்த்தி விடும். ஆறறிவு படைத்த மனிதனிற்குச் சிந்தனையே பலமும், பலவீனமும். மனிதருக்கு நேர்மறை எண்ணங்களும், நல்வழிச் சிந்தைகளும், நன்னெறி ஒழுக்கமும் மேம்பாட்டை நல்கும். மாறாக தீய எண்ணமாகிய பொறாமை, ஒரு சிறு தீப்பொறி போலும் அவனது நற் சிந்தனையை முதலில் பாழ்படுத்தி விடும். அதால் கூடவே கிழைத்தெழும் கீழ்மை எண்ணங்களும், பகை, கோபம், ஆசை, களவு, பொய், சூது, சூட்ச்சி, தாபம், வியாதி, நிம்மதி இன்மை, குறுகிய மனப்பான்மை, குறுக்கு புத்தி அனைத்தும் கூடி நின்று கொண்டாடி அனைத்துக் கெடுதல்களையும் அள்ளி வழங்கும். ஆதலின் இயற்கையான வளர்ச்சிக்கு மாறாக, முன்னேற்ற எண்ணங்களும், முயற்சிகளும் முடக்கப்பட்டு அவனிடம் உள்ள வளங்களும் அழிந்து போகும். ஒருபுறம் முன்னேற்றங்கள் தடுக்கப்பட்டும், மறுபுறம் இருப்பில் இருப்பவை தீங்கில் செலவாகியும் அவனது வீழ்ச்சி அதி விரைவில் நிகழும். தீய எண்ணத்தால் செயற்படுத்தப்படும் தீய வினைகளால் இருக்கும் பொருளும், நற் பெயரும் அழிந்து, சிறப்புக்களும், சீரும் முழுவதுமாகக் கெட்டுப் போய் விடும். அதால் பொறாமை கொண்டவன் உதவிகளையும் நண்பர்களையும் இழந்து நரக வாழ்வை மேற் கொள்ள வேண்டி வரும். எனவே ஒரு சிறு தீப் பொறியாகிய பொறாமை எனும் தீய எண்ணம் அவனது செல்வத்தையும், சிறப்பையும், வாழ்வையும் நரகப் படுத்துவதைத் தொடர் நிகழ்வாய் நடாத்தி மொத்த நட்டத்தில் விரைந்து தள்ளி விடும்.
குறிப்புரை :
பொறாமை எனும் ஒரு எண்ணம் செல்வத்தைச் சிறப்பை அழித்துத் தீமை நரகத்துள் ஆழ்த்தி விடும்.
அருஞ்சொற் பொருள் :
பாவி - கருது, எண்ணு, கருத்து, எண்ணம் செற்று - செதுக்கு, இழை, பதி, செறிவாகு, அடர்த்தியாகு, அழுந்து உழி - அலை, இடம், பக்கம், நேரத்தில் தீயுழி - நரகம் உய் - செலுத்து, ஆழ்த்து
ஒப்புரை :
திருமந்திரம்: 2684 இளங்கொளி ஈசன் பிறப்பொன்றும் இல்லி துளங்கொளி ஞாயிறும் திங்களும் கண்கள் வளங்கொளி அங்கியும் மற்றைக்கண் நெற்றி விளங்கொளி செய்கின்ற மெய்காய மாமே. திருமந்திரம்: 2685 மேல்ஒளி கீழ்அதன் மேவிய மாருதம் பால்ஒளி அங்கி பரந்தொளி ஆகாசம் நீர்ஒளி செய்து நெடுவிசும்பு ஒன்றிலும் மேல்ஒளி ஐந்தும் ஒருங்கொளி யாமே. திருமந்திரம்: 2667 நினைக்கின் நினைக்கும் நினைப்பவர் தம்மைச் சுனைக்குள் விளைமலர்ச் சோதியி னானைத் தினைப்பிளந் தன்ன சிறுமைய ரேனும் கனத்த மனத்தடைந் தால்உயர்ந் தாரே. திருநாவுக்கரசர். தேவாரப் பதிகம்: 5.70 திருக்கொண்டீச்சரம் - திருக்குறுந்தொகை வெம்பு நோயும் இடரும் வெறுமையும் துன்ப முந்துய ரும்மெனுஞ் சூழ்வினை கொம்ப னார்பயில் கொண்டீச் சுரவனை எம்பி ரானென வல்லவர்க் கில்லையே. 706 அல்ல லோடரு நோயில் அழுந்திநீர் செல்லு மாநினை யாதே கனைகுரற் கொல்லை யேறுடைக் கொண்டீச் சுரவனை வல்ல வாறு தொழவினை மாயுமே. 707 ஔவையார். ஆத்திசூடி: 87. மனந்தடு மாறேல். ஔவையார். கொன்றை வேந்தன்: 54. நெஞ்சை ஒளித்து ஒரு வஞ்சகம் இல்லை ஔவையார். நல்வழி: நன்றென்றும் தீதென்றும் நானென்றும் தானென்றும் அன்றென்றும் ஆமென்றும் ஆகாதே - நின்றநிலை தானதாம் தத்துவமாம் சம்பறுத்தார் யாக்கைக்குப் போனவா தேடும் பொருள். 38
***

In English:

Chapter : 17 Un-enviousness Thirukkural : 168 The evil thought called jealous... In Tamil

azhukkARu ena oru pAvi thiruch cheRRu, thIyuzhi uyththu vidum.
Meaning :
A thought called envy, destroys the possessor's wealth and prosperity and immerses him in the hell of evil.
	These explanations contain newer and exclusive messages.
Explanation :
An idea called jealous devastates the one who conceived it, by destroying his properties, prosperities and the eminence and drowning him in the domain of evils. Thinking is the strength and weakness for the human beings who have got six senses. For human beings positive attitude, good thinking and good virtues will give progress and betterments. On the contrary, the bad idea called jealous, just like a spark of fire will destroy the good thinking firstly. Then the subsidiary low thinking such as enmity, angry, excess desires, stealing, lie, conspiracy, deceit, self pity, disease, no peace, narrow-mindedness and shortsightedness along with envy will gather together and be more liberal in enduring all evils at grand scale. Therefore all progressive thoughts and efforts will be stopped against the normal course of development and growth and his resources and belongings will get destroyed. One side all the progress gets stopped and the other side all the reserves gets exhausted and his inescapable fall happens at rapid speed. By all the bad deeds executed due to ill thinking, all belongings and reserves, good name, reputation and eminence get completely destroyed. Because of that one gets devoid of his friends and helps and must lead a life of hell. Therefore, one simple fire spark like bad idea called envy can destroy his entire wealth, eminence and life and gradually turn it into a hell and drown him to disaster in totality.
Message :
A thought called jealous destroys the wealth and prosperity and immerses one in the hell of evil.
***

திருக்குறள்:165 (பகையினும் கொடிய பொறாமை...)

அதிகாரம் : 17 அழுக்காறாமை திருக்குறள் : 165 பகையினும் கொடிய பொறாமை... In English

அழுக்காறு உடையார்க்கு அது சாலும் - ஒன்னார் வழுக்கியும் கேடு ஈன்பது.

பொழிப்புரை :

பொறாமை உடையார்க்கு அதுவே போதும்; பகைவர் தவறினாலும் கேட்டைத் தோற்றுவிப்பதற்கு.

விரிவுரை :

பொறாமை உடையவர் கெட்டுப் போக அவரின் பகைவர் தவறினாலும் கூட அந்தப் பொறாமையே போதிய கேட்டை உண்டாக்கிவிடும். ஒருவருக்கு இன்னல் கொடுத்து வீழ்த்த பகைவர் மறப்பினும் கூட கொண்ட பொறாமையே வஞ்சமின்றி தீதை வழங்கி வீழ்த்திவிடும். ஒருவர் கெட்டுப் போக வெளிப்பகை எதுவுமே தேவையில்லை அவர் கொண்ட பொறாமையே போதுமானது என்பது உட்கருத்து. ஆகப் பொறாமை எனும் குணம் பகையைக் காட்டிலும் மோசமனாது; தீதைத் தவறாது, மறக்காது நல்குவது. சீர் கேட்டைச் சிறப்புடன் தருவது பகைவரினும் கெடுதலான பொறாமையே. பொறாமையினால்தான் எத்தனைத் துன்பங்கள் கூடவே பிறக்கின்றன. பகை, கோபம், ஆசை, களவு, பொய், சூது, சூட்ச்சி, தாபம், வியாதி, நிம்மதி இன்மை, குறுகிய மனப்பான்மை, குறுக்கு புத்தி அனைத்தும் பொறாமையோடு கூடிப் பிறந்து அனைத்துக் கெடுதல்களையும் அள்ளி வழங்கிவிடும். சென்ற குறளிலே சொன்னது போன்றே, பொறாமை என்பது சிந்தனைப் புற்று நோயே. அதனால் தோன்றும் அனைத்து நல் எண்ணங்கள் யாவும் பாதிக்கப்பட்டு அழிந்து கெட்ட எண்ணங்களாகவே மாற்றம் கொள்ளும். எனவே ஒருவரின் எண்ணத்தில் பொறாமை எனும் தீவிர நோய் தோன்றிய பிறகு அவர் நலமிழந்து கெட்டுப் போக வேண்டும் என்பது நோக்கமாயின் வெளிப் பகை என்று ஒன்று தேவையா?

குறிப்புரை :

பொறாமைக் குணம் பகையினும் கேட்டைத் தரும்.

அருஞ்சொற் பொருள் :

சாலும் - போதும் ஒன்னார் - பகைவர்

ஒப்புரை :

திருமந்திரம்: 2693 உண்டில்லை என்னும் உலகத்து இயல்பிது பண்டில்லை என்னும் பரங்கதி யுண்டுகொல் கண்டில்லை மானுடர் கண்ட கருத்துறில் விண்டில்லை உள்ளே விளக்கொளி யாமே. திருமந்திரம்: 2721 பழுத்தன ஐந்தும் பழமறை யுள்ளே விழித்துஅங்கு உறங்கும் வினைஅறி வாரில்லை எழுத்துஅறி வோம்என்று உரைப்பார்கள் ஏதர் எழுத்தை அழுத்தும் எழுத்துஅறி யாரே. திருநாவுக்கரசர். தேவாரப் பதிகம்: 4.23 கோயில் - திருநேரிசை : மனத்தினார் திகைத்து நாளும் மாண்பலா நெறிகள் மேலே கனைப்பரால் என்செய் கேனோ கறையணி கண்டத் தானே தினைத்தனை வேதங் குன்றாத் தில்லைச்சிற் றம்ப லத்தே அனைத்துநின் னிலயங் காண்பான் அடியனேன் வந்த வாறே. 236 நெஞ்சினைத் தூய்மை செய்து நினைக்குமா நினைப்பி யாதே வஞ்சமே செய்தி யாலோ வானவர் தலைவ னேநீ மஞ்சடை சோலைத் தில்லை மல்குசிற் றம்ப லத்தே அஞ்சொலாள் காண நின்று அழகநீ யாடு மாறே. 237 ஔவையார். ஆத்திசூடி: 53. சோம்பித் திரியேல். ஔவையார். கொன்றை வேந்தன்: 36. சோம்பர் என்பவர் தேம்பித் திரிவர் ஔவையார். மூதுரை: தீயாரைக் காண்பதுவும் தீதே; திரு அற்ற தீயார் சொல் கேட்பதுவும் தீதே - தீயார் குணங்கள் உரைப்பதுவும் தீதே; அவரோடு இணங்கி இருப்பதுவும் தீது. 9 ஔவையார். நல்வழி: உண்பது நாழி உடுப்பது நான்கு முழம் எண்பது கோடி நினைந்து எண்ணுவன - கண் புதைந்த மாந்தர் குடி வாழ்க்கை மண்ணின் கலம்போலச் சாந்துணையும் சஞ்சலமே தான். 28

***

In English:

Chapter : 17 Un-enviousness Thirukkural : 165 Envy is worst than the enemy... In Tamil

azhukkARu udaiyArkku athu sAlum - onnAr vazhukkiyum kEdu Inpathu.

Meaning :

For those who possess the enviousness that itself is enough to devastate themselves, even though their enemies fail to inflict upon.

Explanation :

For those who possess the envy that itself causes enough adversity to them-selves, even if their enemies fail to damage though. Even though their enemies forget to inflict upon the devastation, the jealous possessed itself can cause unhindered damages in abundance to bring down the possessor to a greater adversity. For one to get spoilt there is no need of outside enemies at all, their inner envy itself is enough is the implicit meaning here. Therefore the trait of enviousness is worst than enemies, which brings the afflictions in abundance without fail or any gratitude. The greater devastation is caused only by envy than enemies. How many types of hardships come along with it? Enmity, anger, lie, treachery, fraud, theft, self-pity, disease, no peace, narrow-mindedness, bewilderment all gets started with envy and brings all kinds of miseries possible. As mentioned in the previous Kural explanation, envy is a kind of cancer disease to thinking. Therefore all the good ideas born also get affected by it and turnout as bad thoughts. Therefore when one is filled with enviousness does he require any outside enemy to get spoilt without any goodness if that is what after all his determination is all about?

Message :

The enviousness inflicts more damages than the enemies.

***

திருக்குறள்: 35

அதிகாரம்

:

4

அறன் வலியுறுத்தல்

திருக்குறள்

:

35

அழுக்காறு, அவா, வெகுளி, இன்னாச் சொல், நான்கும்
இழுக்கா இயன்றது-அறம்.

பொழிப்புரை (Meaning) :
பொறாமை, அவா, சினம், தீய சொல் ஆகிய நான்கையும் பற்றாது அமைவதே அறம் ஆகும்.

விரிவுரை (Explanation) :
பொறாமை, ஆசை, கோபம், கடுஞ்சொல் ஆகிய நான்கையும் தவிர்த்து ஒழுகுதலே அறமாகும். இவை இருப்பின் அது அறமல்ல. இவையே அறமாகிய நல் ஒழுக்கத்திற்கு அடிப்படையில் ஒழிக்கப் பட வேண்டியவை தீய குணங்கள் ஆகும்.

இந்த நான்கு தீக் குணங்களும் உண்மையில் ஒன்றோடு ஒன்று தொடர்பும் கொண்டவையும் ஆகும். எனவே இவற்றில் எது ஒன்றையும் பற்றாது விலக்கி ஒழுகுதலே அறம் என்பது வள்ளுவர் வாக்கு.

குறிப்புரை (Message) :
நல்ல அறத்திற்குப் பொறாமை, ஆசை, சினம், தீய சொல் ஆகிய நான்கும் ஒழிக்கப்பட வேண்டியவை.

அருஞ்சொற் பொருள் (Synonyms) :
அழுக்காறு - பொறாமை
அவா - ஆசை
வெகுளி - சினம், கோபம்
இன்னாச் சொல் - கடுஞ் சொல், தீய சொல், கெட்ட வார்த்தை

ஒப்புரை (References) :

ஔவையார்: மூதுரை: 23
கற்பிளவோ டொப்பர் கயவர் கடுஞ்சினத்துப்
பொற்பிளவோ டொப்பரும் போல்வாரே - விற் பிடித்து
நீர் கிழிய எய்த வடுப்போல மாறுமே
சீரொழுகு சான்றோர் சினம்.

ஔவையார். நல்வழி: 6
உள்ள தொழிய ஒருவர்க் கொருவர் சுகங்
கொள்ளக் கிடையா குவலயத்தில் - வெள்ளக்
கடலோடி மீண்டு கரையேறி னாலென்
உடலோடு வாழும் உயிர்க்கு.

ஔவையார். நல்வழி: 33 (வன்சொல்லும் இன்சொல்லும்)
வெட்டனவை மெத்தனவை வெல்லாவாம் வேழத்தில்
பட்டுருவுங் கோல்பஞ்சில் பாயாது - நெட்டிருப்புப்
பாரைக்கு நெக்குவிடாப் பாறை பசுமரத்தின்
வேருக்கு நெக்கு விடும்.

***