திருக்குறள்: 9. எண்குணத்தானை வணங்கலே தலை!

அதிகாரம்	:	1.	கடவுள் வாழ்த்து
திருக்குறள்	:	9.	எண்குணத்தானை வணங்கலே தலை!
			In English

 

கோளில் பொறியிற் குணமிலவே யெண்குணத்தான் றாளை வணங்காத் தலை.

கோள் இல் பொறியிற் குணம் இலவே-எண் குணத்தான் தாளை வணங்காத் தலை.

பொழிப்புரை :

இயக்கமற்ற ஐம்பொறிகளினால் பயன் ஏதும் இலாததைப் போன்றே, எட்டுக் குணங்களைக் கொண்ட இறைவனது தாளை வணங்காத தலையும் பயனற்றது.

விரிவுரை :

இயங்கு கோள் அற்ற பொறிகளினால் பயன் இராதே; அதைப் போன்றே எட்டுக் குணங்களைக் கொண்ட இறைவனின் தாளை வணங்கி ஒழுகாத தலையும் பயன் தராது.   மெய், வாய், கண், மூக்கு, செவி எனும் ஐம்பொறிகளில் குறைபாடு இருப்பின் அவற்றால் பயன் இராது. அதைப்போன்றே இறைவனைச் சிந்தியாத, வணங்கி ஒழுகாத தலையினாலும் பயன் இராது. இதில் தலை என்பதற்கு தலைமை என்றும், சிந்திக்கும் சக்தி என்றும், தலை எனும் உடலின் முக்கிய அங்க உறுப்பையும் பொருள் கொள்ளலாம்.   உடலுக்குத் தலையானது தலை, எனவேதான் அதைத் தமிழில் தலை என்றார்கள். அத்தகைய தலையே இறைவனை ஒழுகாவிடின் பயனற்றது என்ற வள்ளுவரின் நயம் அறிவீர்களாக.   எண் குணத்தான் என்பதற்குச் சுலபமாக அதாவாது எளிதாக எண்ணிக்கையற்ற, ஒப்பற்ற பண்புகளைக் கொண்டவன் என்றுச் சொல்லலாம். ஆயின் எட்டு வகையான குணங்களை இறைவனுக்கான அடிப்படைக் குணங்களாக அன்றைய எல்லா மதங்களிலும் கூறப்பட்டிருப்பதால் அதையே திருவள்ளுவரும் குறிப்பிடுகிறார் என்றே கொள்ள வேண்டும்.    இறைவனின் எண் குணங்கள்: 1. தன்வயத்தன் ஆதல் 2. தூய உடம்பினன் ஆதல் 3. இயற்கை அறிவு, உணர்வினன் ஆதல் 4.முற்றும் உணர்தல் 5. இயல்பாகவே பாசங்கள் நீங்குதல் 6. பேரருள் உடைமை 7.முடிவிலா ஆற்றல் உடைமை 8.வரம்பு இல் இன்பம் உடைமை.   (தன்வயத்தன், தூய்மை, இயற்கையறிவு, முற்றறிவு, கட்டின்மை, பேரருள், எல்லாம்வன்மை, வரம்பிலின்பம்)

குறிப்புரை :

எண் குணத்து இறைவனைச் சிந்தித்துப் பணியாத தலை அர்த்தமற்றது.

அருஞ்சொற் பொருள் (Synonyms) :

கோள் இல்: குறிக்கோள் அற்ற, செயற்கோள் அற்ற பொறி: இந்திரியம் குணம் இல: குணமற்ற, பயனிலாத

ஒப்புரை :

திருமூலரும் தனது திருமந்திரத்தின் கடவுள் வாழ்த்தில் கடவுளிற்கு எண் குணத்தைக் குறிப்பது இங்கு குறிப்பிடத்தக்கது.   திருமந்திரம்: 1 (கடவுள் வாழ்த்து) ஒன்ற அவன்தானே இரண்டு அவன் இன்னருள் நின்றனன் மூன்றினுள் நான்கு உணர்ந்தான் ஐந்து வென்றனன் ஆறு விரிந்தனன் ஏழு பார்ச் சென்றனன் தான் இருந்தான் உணர்ந்து எட்டே.   திருவிளையாடல் திரைப்படத்தில் ஔவை பாடும் கண்ணதாசனின் பாடலும் இங்கே பொருத்தம் கருதி நினைக்கத்தக்கது. மேலே சொன்ன திருமூலரின் பாடலுக்கு ஓரளவு ஒத்துப் போவது. ஆனால் அவர் சொன்ன எட்டும் நாம் மேலே விளக்கப் பகுதியில் கண்டவாறு என்று அறியவும். திருமூலரின் ஒன்றிலிருந்து ஏழுவரைக்கும் ஆன விளக்கம் விரிவு கருதி இங்கே குறிக்கப்படவில்லை.   ஒன்றானவன் உருவில் இரண்டானவன் உருவான செந்தமிழில் மூன்றானவன் நன்றான வேதத்தில் நான்கானவன் நமச்சிவாய என ஐந்தானவன் இன்பச் சுவைகளுக்குள் ஆறானவன் இன்னிசை ஸ்வரங்களில் ஏழானவன் சித்திக்கும் பொருள்களில் எட்டானவன் தித்திக்கும் நவரச வித்தானவன் பத்தானவன் நெஞ்சில் பற்றானவன் பன்னிரு கை வேலவனைப் பெற்றானவன் முற்றாதவன் மூல முதலானவன் முன்னைக்கும் பின்னைக்கும் நடுவானவன் ஆணாகிப் பெண்ணாகி நின்றானவன் அவையொன்றுதான் என்று சொன்னான்வன் தான்பாதி உமைபாதி கொண்டானவன் சரிபாதி பெண்மைக்குத் தந்தானவன் காற்றானவன் ஒளியானவன் நீரானவன் நெருப்பானவன் நேற்றாகி இன்றாகி என்றைக்கும் நிலையான ஊற்றாகி நின்றானவன் அன்பின் ஒளியாகி நின்றானவன்...   எண்ணற்ற குணத்தான் என்ற பொருள் தரும் பாக்கள்: மாணிக்கவாசகர் : திருவாசகம்: 21 கண் நுதலான் தன்கருணைக் கண்காட்ட வந்து எய்தி எண்ணுதற்கு எட்டா எழில் ஆர்கழல் இறைஞ்சி விண் நிறைந்து மண் நிறைந்து மிக்காய், விளங்கு ஒளியாய், எண் இறந்த எல்லை இலாதானே நின் பெரும்சீர் பொல்லா வினையேன் புகழுமாறு ஒன்று அறியேன் ... மாணிக்கவாசகர்: கீர்த்தித் திரு அகவல். தில்லை மூதூர் ஆடிய திருவடி பல் உயிர் எல்லாம் பயின்றனன் ஆகி எண்இல் பல்குணம் எழில்பெற விளங்கி மண்ணும் விண்ணும் வானோர் உலகும் துன்னிய கல்வி தோற்றியும் அழித்தும் ...   அட்டாங்க யோகத்தைக் கடைப்பிடித்து சித்தர்கள் அட்டமா சித்தி கைவரப் பெற்றவர்கள் என்பார்கள். அட்டமா சித்திகளும் எட்டு என்பதால் இங்கே குறித்துள்ளேன். அவை எண் குணத்தைப் பிரதிபலித்தாலும் இறைவனின் எண் குணங்கள் இவற்றையும் மீறியது எனத் தெளியவும்.   1.அணிமா: நுண்மை, அணுத்தன்மை. அணுவினும் மிக நுண்ணிய வடிவு பெறல். சிறிதாதல். 2.மகிமா: பருமை. மேருவினும் பேருருப் பெற்று நிற்றல். பெரிதாதல். 3.லகிமா: மென்மை. சேறு முதலியவற்றில் இயங்கினும் அழுத்திலின்றிக் காற்றினும் மெல்லிய வடிவுற்று நிற்றல். இலேசாகுதல். 4.பிராத்தி: விரும்பியதெய்தல். மனத்தால் விழையப்பட்டன அனைத்தும் விழைந்தவாறே பெறுதல். எல்லாவற்றையும் ஆளுதல். 5.கரிமா: விண்டன்மை. புலன்களை நுகர்ந்தும் அவற்றில் தொடக்குண்ணாமை. பொன் போலப் பளுவாதல். 6.வசித்துவம்: கவர்ச்சி. உலகனைத்தையும் தன் வயமாக்கல். எல்லாரையும் தன் வசப்படுத்துதல். 7.பிரகாமியம்: நிறைவுண்மை. கூடுவிட்டுக் கூடுபாய்தல். 8.ஈசத்துவம்: ஆட்சியனாதல். பிரமன் முதலியோர் மாட்டும் தன் ஆணை செலுத்தி நிற்றல். அனுபவித்தல்.   சமண மதத்திலும் கடவுளை எண்குணத்தான் என்கிறார்கள். அவை: 1.     முற்றுமுணர்தல் (எல்லையற்ற ஞானம்) 2.     முடிவிலா ஆற்றல் 3.     எல்லையற்ற பார்வை 4.     எல்லையற்ற ஒழுங்கு 5.     அழியா இயல்பு 6.     சார்பின்மை 7.     பற்றின்மை 8.     அருவத்தன்மை (உருவிலி)

•••

 

 

Chapter	:	1.	The Praise of The God
Thirukkural	:	9.	The head is to worship the eight characteristics, the God!
			In Tamil

 

kOL il poRiyiR kuNam ilavE eNN kuNaththAn thALai vaNangAth thalai.
Meaning :
Like the palsied sense, the head that doesn’t bow and pray the feet of the eight characteristics GOD, is useless.
Explanation :
Non functional devices are useless; similarly, a head that does not worship the feet of the Lord, which has eight qualities, is useless.   If there is a defect in the ear, mouth, eye, nose and ear machines, they are useless. In the same way, a head that does not think or worship the Lord is useless. The head can mean the chiefdom and the power to think, and also mean the head the main organ of the body.   The head is the prime or crown of the body, that is why it is called the head in Tamil. Such a head itself is useless if it does not worship the Lord, is the niceties of Valluvar to cherish.   It is easy to say that contemplate or countless is a quality, that is, one can easily say that one has innumerable and incomparable qualities. But it should be noted that Thiruvalluvar also mentions the eight types of qualities of, as the basic qualities of God as in all the religions of the day.   Number qualities of the Lord: 1. Peerless – Superiorless – Self-absorbing 2. Always in Chaste form as Onkara 3. Natural Sensed 4. Omniscient 5. By nature, bondless 6. Height of Grace 7. Omnipotent 8. Limitlessly Blissful   (Spontaneity, purity, natural knowledge, omniscience, boundless, gracious, omnipotence, blissful)
Message :
The head that does not contemplate and bow the God of eight characteristics is useless.
References :
It is noteworthy here that Tirumular also refers to the eight qualities of God in his Thirumanthiram God Greetings.   Thirumanthiram: 1 (KadavuL vAZhthu) Ondra avanthAnE iraNdu avan innaruL Nindranan moondrinuL nAngu uNarndhAn aindhu Vendranan Aru virindhanan Ezhu pArch Chendranan thAn irundhAn uNarndhu ettE.   Kannadasan’s song sung by Auvai in the movie Thiruvilaiyadal is also relevant here. Somewhat in line with Tirumular’s song above. But know that what he said is what we saw in the description section above. The description of Tirumular from one to seven is not mentioned here in detail.   He is the only one; Double in form Three in the formed Senthamizh The four in the good scripture Fifth as Namachchivaya Six in the tastes Seven in melodic tones Ettanavan in Siddhi objects Navarasa Viththanavan in sweetness Ten in fondest in the Heart He was the recipient of twelve hand Velavan The Endless and is the first of source One the Between the Front and the Back The one who stood as a man and a woman He said they were one only He is half self and gained half of Uma Giver of exact half to femininity The wind is He; The light is He; The Water is He; The Fire is He; As Yesterday, As Today, Stable forever Stood as the pouring one; And Stood as the loving light...    Songs that mean as innumerable virtues: MAnikkavAsagar: ThiruvAsagam: 21 kaN nuthalAn than karuNaik kaNkAtta vandhu eidhi eNNuthaRku ettA ezhil Arkazhal iRainji viN niRaindhu maN niRaindhu mikkAi, viLangu oLiyAi, eN iRandha ellai ilAdhAnE nin perumseer pollA vinaiyEn pugaZhumARu ondRu aRiyEn ... MAnikkavAsagar: keerthithiruagaval: Thillai moothoor Adiya thruvadi Pal uyir ellAm payindranan Agi eNNil palkuNam ezhil peRa viLangi maNNum viNNum vAnOr ulagum thunniya kalvi thOtriyum azhiththum ...   The Siddhas who practiced Attanga Yoga are said to have attained Attama Siddhi. I have mentioned here because Attama Siddhis are also eight. Although they reflect the eight qualities, know that the eight qualities of the Lord transcend these as well.   1. Anima: subtlety, atom. Obtaining the most microscopic shape of the atom. Turning of tiny. 2. Magima: Obesity. Standing as larger than Mount Meru. Expansion. 3. Lahima: tenderness. Becoming of thinner than the air even while working such as mud, etc.,. Becoming of lighter, almost with no weight. 4. Prati: Doing the desired. Getting everything desired by the mind as desired. Ruling of everything and having unrestricted access to all places. 5. Karima: The nature of the sky. Consumption of senses and inactivity in them. Weight like gold. Becoming of infinitely heavy. 6. Vasitvam: Glamour. Enticing of the entire world. Enthralling everyone and the power to subjugate all. 7. Prakamiyam: Completion. The power to transmigrate into other bodies.Realizing whatever one desires. 8. Easatvam: Becoming a ruler. Ruling of all like Brahma. Possessing the absolute Lordship. Enjoying.   In the Jain religion, God is said to have eight qualities. They are: 1.     Perfection (Infinite Wisdom) 2.     Infinite energy 3.     Infinite vision 4.     Infinite order 5.     Immortal nature 6.     No dependence 7.     Detachment 8.     Shapelessness (Imageless)
•••