திருக்குறள்:132 (விரும்பிப் பேணுக நற்றுணை ஒழுக்கம்...)

அதிகாரம் : 14 ஒழுக்கமுடைமை திருக்குறள் : 132 விரும்பிப் பேணுக நற்றுணை ஒழுக்கம்... In English

பரிந்து ஓம்பிக் காக்க, ஒழுக்கம்-தெரிந்து ஓம்பித் தேரினும், அஃதே துணை.
பொழிப்புரை :
வேண்டி விரும்பிப் பேணிக் காக்க[வும்], ஒழுக்கம் - அறிந்து ஆராய்ந்து தெளிந்தாலும், அஃதே [சிறந்த] துணை.
	புதிய மாறுபட்ட கருத்துக்கள் இவ் விளக்கங்களில் உள்ளன.
விரிவுரை :
ஒழுக்கத்தை வேண்டி விரும்பி ஒழுகிக் காக்கவும்; அனைத்தையும் அறிந்து ஆராந்து தெளிந்தினும், மனித மேம்பாட்டிற்கு, வாழ்விற்கு ஒழுக்கமே சிறந்த துணை ஆகும். அதாவது ஒழுக்கத்தைப் பெற்றோர், ஆசிரியர், சமுதாயம், ஊர், உலகம், நல் அறம் எனப் பிறர் வலியுறுத்தினும் கூட, சில சமயங்களில் அவை நமக்குக் கடினமாக இருப்பினும் கூட, அவற்றையெல்லாம் காட்டிலும் உண்மையில் நல் ஒழுக்கத்தின்மேல் விருப்பம் கொண்டு ஒழுகி, அதை நம்மிடம் வழுவாதவாறு காக்க வேண்டும். வாழ்வில் உய்ய அனைத்தையும் ஆராய்ந்துப் பேணிப் பார்த்துத் தெளிந்தாலும் ஒழுக்கத்தை மீறிய, தவிர்த்த நல் வழி, துணை வேறு ஏதும் கிடையாது. அதாவது ஒருவருக்குத் தனிமனித சுய ஒழுங்கைப் போன்ற நல்ல அடிப்படை, அடிமட்டத் துணை வேறு ஏதும் கிடையவே கிடையாது. துணிவு, தெளிந்த சிந்தனை, ஆர்வம், விடா முயற்சி, திறமை போன்றவை முன்னேறுவதற்கு ஒருவருக்கான தனிப்பட்ட குணங்களாகினும் அடிப்படையில் இவற்றைக் கடைப்பிடிக்க நல் ஒழுக்கம் அத்தியாவசியமாகின்றது. ஒழுக்கத்தினின்று தவறாத குணமும் கடைப் பிடிப்பும் நிச்சயமாக வெற்றியையே நல்கும். ஒழுக்கமற்ற தன்மையில் வெற்றி என்பது தானாக நிகழும் விபத்தே. நாம் ஏகும் சாலை நல்லதா, அல்லதா என்று சுய பரிசோதனை செய்து, ஒழுக்கமற்று வழுவிய பாதைகளைச் சீரமைக்க வேண்டிச் சிந்திப்பினும் கூட, அல்லது வேறு ஒருவர் சீர் செய்ய முயற்சித்தாலும் கூட, அடிப்படையில் ஒருவர் ஒழுக்கத்தைக் கடைப்பிடிக்கும் தன்மையிலேயே மீண்டும் வாழ்வின் வெற்றியோ, தோல்வியோ அமையப் பெறும். உதாரணத்திற்கு போதைப் பொருளிற்கு அடிமையாகியவரை எண்ணிப் பாருங்கள். அவர்களின் உண்மையான உடன்பாடின்றி, ஒழுக்கத்திற்குக் கட்டுப்படும் தன்மையின்றி அவர்களை எந்த வைத்தியமும் முழுமையாகக் குணப்படுத்திவிட முடியுமா? எனவே எவ்விதமாக ஆராய்ந்து பார்த்தாலும் மனித வாழ்வில் ஒழுக்கத்தை விடுத்து, அதாவது விட்டுவிட்டு, எந்தக் குண நலனையும் அமைத்துவிட இயலாது. மனித வாழ்வு எனும் கட்டிடத்திற்கு ஒழுக்கமே அடித்தள அடிக்கல் என்று கொள்ளலாம். ஆக ஒழுக்கத்தைத் தவிர்த்து வாழ்வில் முன்னேற்றம் என்பதோ, வாழ்விற்கு அர்த்தம் என்பதோ கிடையவே கிடையாது. ஆதலின் அப்படிப்பட்ட ஒழுக்கத்தை மருந்தே போலும் ஒழுகுவதை விட, அதன் பலாபலனை அறிந்த அறிவுடன், ஆர்வத்துடன், தீராக் காதலுடன், வழுவ மறுக்காத பாசத்துடன், வாழ்வை வெறுக்காத நேசத்துடன் ஒழுகுதலே நல்லது மட்டுமல்ல, வாழ்க்கை வெற்றிகளுக்கான வல்லதுமாகும். எனவே ஆராய்ந்து தெளிந்த நற்றுணையான ஒழுக்கத்தை, விருப்பத்தோடு ஒழுகிக் காத்து மேன்மையுறுவோமாக.
குறிப்புரை :
அடிப்படைத் துணையான ஒழுக்கத்தை விருப்பத்துடன் ஒழுகிப் பாதுகாக்கவும்.
அருஞ்சொற் பொருள் :
பரிந்து - இரங்கி, கருணையோடு, அன்போடு, இணங்கி, மன்றாடி, விரும்பிப் பணிந்து, வேண்டி, வக்காலத்து, சிபாரிசு
ஒப்புரை :
திருமந்திரம்: 2074 காணாத கண்ணில் படலமே கண்ணொளி காணாத வர்கட்கும் காணாதது அவ்வொளி காணாத வர்கட்கும் கண்ணாம் பெருங்கண்ணைக் காணாது கண்டார் களவொழிந் தாரே. திருமந்திரம்: 2075 பித்தன் மருந்தால் தெளிந்து பிரகிருதி உய்த்தொன்று மாபோல் விழியும் தன் கண்ணொளி அத்தன்மை யாதல்போல் நந்தி அருள்தரச் சித்தம் தெளிந்தோன் செயல் ஒழிந்தேனே. திருமந்திரம்: 2076 பிரான்பல மாகப் பெயர்ந்தன எட்டும் பராமயம் என்றெண்ணிப் பள்ளி யுணரார் சுராமயம் முன்னிய சூழ்வினை யாளர் நிராமய மாக நினைப் பொழிந் தாரே. திருமந்திரம்: 2077 ஒன்றுஇரண் டாகிநின்று ஒன்றிஒன் றாயினோர்க்கு ஒன்றும் இரண்டும் ஒருகாலும் கூடிடா ஒன்றுஇரண்டு என்றே உரைதரு வோர்க்கெலாம் ஒன்றுஇரண் டாய் நிற்கும் ஒன்றோடுஒன் றானதே. திருமந்திரம்: 2078 உயிரது நின்றால் உணர்வுஎங்கு நிற்கும் அயர்அறி வில்லையால் ஆருடல் வீழும் உயிரும் உணலும் ஒருங்கிக் கிடக்கும் பயிரும் கிடந்துள்ளப் பாங்கு அறி யாரே. ஔவையார். ஆத்திச்சூடி: 60. தூக்கி வினை செய். ஔவையார். கொன்றை வேந்தன் : 50. நிற்கக் கற்றல் சொல் திறம்பாமை
***

In English:

Chapter : 14 Virtuousness Thirukkural : 132 Practice Discipline, the aid, with Love... In Tamil

parinthu Ombik kAkka, ozhukkam-therinthu Ombith thErinum, aHtE tuNai.
Meaning :
Fall in love, practice and preserve the Discipline; Of course all deliberations perceive discipline alone as the best intimate aid.
	These explanations contain newer and exclusive messages.
Explanation :
Guard your good discipline with love and care by practicing and preserving it; all studies after all perceive and assure that discipline alone as the great and intimate aid. Though the good disciplines are mostly imposed on us through parents, teachers, society, place, world, good virtues and others, and though at times they are tough and difficult to adopt, beyond all that one should have the true self motto and interest towards the discipline to follow meticulously without any negligence. By all means when one completely analyzes to redeem the Life and conclude, there is no any greater method or avenues other than following the good discipline. That is actually there is no any good assistance or fundamental and basic aid to self than that of good self discipline. Though boldness, clear mind, desire, persistence, competence and such kind are the necessary traits for individual to succeed, essentially the good discipline is mandatory to adopt all these. Adhering to the un-deviating good discipline and sincere following will certainly yield success alone. Through indiscipline success happens only by accidents. Though we retrospect and analyze whether we are in right path or not and then think and try to correct and rectify our wrong ways; or even when others try to rectify or set right us, basically one's own adopted self discipline alone can guide through one's own success or failure in Life. For example, consider the case of narcotic addicts. Without their real co-operation, without their interest to adhere to self control and discipline, is it possible to cure them completely through any medication? Therefore, however we analyze, without discipline or ignoring it in human life, no other trait or quality can be made inbuilt. For the concrete structure of the human being, we may consider, discipline as the necessary basement. Therefore by omitting or ignoring the discipline there is no success or excellence or meaning to life at all. Hence, instead of practicing it as medication, practice it by understanding its results, with desire, love and care, without any hesitation to life. It is not just good alone but it is the only way to true success. So Let us follow sincerely the good discipline, the good self aid with love and desire to succeed and excel ever.
Message :
Practice and Preserve the discipline, the basic aid, with interest and liking.
***